Habilitación Estatal

• Que é?
• Como funciona? 
• Acceso ao servizo 

Subir

Que é?

 A Constitución Española define un marco competencial no que se atribúe á normativa estatal o deseño básico da Administración Local, correspondéndolle ás Comunidades Autónomas, sen prexuízo da normativa de desenvolvemento que se poida aprobar dende o ámbito estatal, a regulación dos diferentes sectores da acción publica, de xeito que se garanta o dereito dos entes locais a intervir nos asuntos que afecten directamente ao seu circulo de intereses asegurando, en todo momento, a efectividade da autonomía local constitucionalmente salvagardada.

Neste marco, a lei 7/85, de 2 de abril, de bases de réxime local e a propia lei 5/97, de 22 de xullo, de Administración local de Galicia, configuraban como funcións publicas necesarias en todas as corporacións locais, as reservadas a funcionarios/as con habilitación de carácter estatal. Na mesma liña, a Lei 7/2007, do 12 de abril, polo que se aproba o Estatuto Básico do Empregado Publico, toma como punto de partida garantir dita prestación, e aínda que derroga os artigos que ao respecto se dedicaban a este persoal nos dous textos mencionados, permite transitoriamente a aplicación da normativa reguladora daquel en tanto non sexa aprobada pola comunidade autónoma a normativa de desenvolvemento prevista na disposición adicional 2ª do EBEP.

Cabe lembrar que a normativa especifica que atinxe a estes/as funcionarios/as concentrábase, ademais de na xa citada, no Real Decreto 1174/1987, do 18 de setembro, polo que se aproba o réxime xurídico deste persoal, no Real Decreto 1732/1994, do 29 de xullo, relativo á provisión de postos reservados, coas modificacións operadas polo Real Decreto 834/2003, do 27 de xuño, e posteriormente polo RD. 522/2005, do 13 de maio, así como, no que se refire á Administración Autonómica Galega, nos artigos 238 e seguintes da Lei 5/97, de Administración Local de Galicia e no artigo 15 do Decreto Lexislativo 1/2008, do 13 de maio, polo que se aproba o Texto Refundido da Lei da Función Publica de Galicia.

Concretamente, o artigo 241 da Lei 5/97 atribúe de xeito expreso á Comunidade Autónoma de Galicia as competencias de execución, dentro do marco da lexislación básica do Estado, sobre clasificación de postos, nomeamentos provisionais, comisión de servizos, acumulacións e permutas, dentro do seu ámbito territorial. Conforme coa normativa estatal indicada veñen exercéndose ademais as competencias seguintes:

- Constitución e disolución de agrupacións de entidades locais para o sostemento en común de certos postos.
- Declaración de exencións no exercizo das funcións reservadas.
- Autorizacións para o desempeño excepcional de Tesourerías.
- Determinación e valoración dos méritos autonómicos.
- Publicación das bases dos postos a cubrir no concurso ordinario anual, e remisión ao Ministerio.
- Participación no tribunal de valoración do concurso unitario anual.
- Publicación dos postos a prover por libre designación e remisión ao Ministerio para a súa publicación.
- Seguimento do nomeamento de funcionariado interino para estes postos.

A disposición adicional 2ª da Lei 7/2007, do 12 de abril, amplía significativamente o alcance do ámbito competencial a exercer polas comunidades Autónomas na xestión deste persoal:

- aprobación da oferta de emprego publico de prazas desta escala de funcionarios.
- Convocatoria das probas e selección dos novos funcionarios con habilitación estatal para a cobertura de postos.
- Integración do rexistro autonómico de datos de postos e funcionarios co rexistro estatal.
- regulación das bases comúns do concurso ordinario e porcentaxe de puntuación para cada un dos méritos. Publicación da convocatoria, e remisión ao ministerio competente.
- regulación e aplicación do réxime disciplinario destes funcionarios.

Os cambios lexislativos que se teñen producido nesta materia, unida á crecente transcendencia dos cometidos a desempeñar por estes/as funcionarios/as nunhas entidades locais con estructuras cada vez mais complexas e cun meirande número de servizos, fan aconsellable desenvolver normativamente dende a esfera autonómica, todas estas competencias.

Por outra banda, a experiencia acumulada amosa a conveniencia de concretar diversos aspectos referentes as competencias transferidas, facilitando que en todas as entidades locais sexan exercidas as funciones públicas necesarias reservadas aos citados funcionarios, contribuíndo con elo a unha mellora dos servizos prestados polas mesmas.

Neste senso, elaborouse pola Dirección Xeral de Administración Local un texto para o desenvolvemento das competencias autonómicas previstas na Disposición Adicional 2ª do Estatuto Básico do Empregado Público, que se atopa pendente da súa aprobación.

En tanto, considerouse dende este centro directivo a necesidade de recoller de seguido a normativa aplicable polo de agora, así como resposta as cuestións máis frecuentes formuladas respecto dos postos reservados.

1. NORMATIVA APLICABLE:

 Normativa Estatal:

 Ley 7/2007, de 12 de abril, del Estatuto Básico del Empleado Público.

 Real Decreto 1174/87, de 18 de septiembre, por el que se aprueba el Régimen Jurídico de los Funcionarios de Administración Local con habilitación de carácter nacional.

 Real Decreto 1732/1994, de 29 de julio, sobre provisión de puestos de trabajo reservados a Funcionarios de Administración Local con habilitación de carácter nacional.

 Orden de 10 de agosto de 1994 por la que se dictan Normas sobre concursos de provisión de puestos reservados a funcionarios de Administración Local con Habilitación de carácter nacional.


 Normativa Autonómica:


 Lei 5/1997, do 22 de xullo, de Administración local de Galicia. (DOG nº 149, do 5 de agosto de 1997)  Capítulo IV. Sección 2ª Dos funcionarios con habilitación de carácter nacional (Arts.238-241)

 Decreto 136/1997, do 5 de xuño, sobre a determinación dos méritos que lle corresponde fixar á Comunidade Autónoma nos concursos para a provisión de prazas reservadas a funcionarios de Administración local con habilitación de carácter nacional. (DOG nº 114, do 16 de xuño de 1997)

 Decreto 103/2008, do 8 de maio, polo que se regula o coñecemento do galego nos procedementos para a provisión de postos de traballo reservados a funcionarios/as con habilitación de carácter estatal no ámbito territorial da Comunidade Autónoma de Galicia. (DOG nº 99, do 23 de maio de 2008)

 Decreto 49/2009, do 26 de febreiro, sobre o exercicio das competencias da Comunidade Autónoma de Galicia respecto dos/as funcionarios/as con habilitación de carácter estatal.

2. CREACIÓN, CLASIFICACIÓN E RECLASIFICACIÓN DE POSTOS:

 Solicitude do Presidente da entidade dirixida a este centro directivo a tal fin.
 Memoria  económica e xurídica xustificativa da creación do posto e proposta de clasificación.
 Certificado expedido pola secretaría do acordo polo que se modifica a relación de postos de traballo ou cadro de persoal desa entidade acorde co solicitado.
 Certificado de secretaría de exposición ao público da citada modificación e do resultado da mesma.
 Certificado de secretaría de aprobación definitiva da relación de postos de traballo ou cadro de persoal.
 Certificado dos recursos de que dispón a entidade local segundo o derradeiro orzamento aprobado.
 Certificado da cifra de poboación conforme aos datos do último padrón municipal de habitantes. 
                                                  Órgano local competente para a aprobación da R.P.T : Pleno (Concellos réxime común) / X.G.L (Grandes concellos).

3. EXENCIÓN DE POSTOS DE MANCOMUNIDADES/CONSORCIOS:

4. BUSCADOR DE POSTOS RESERVADOS

http://www.eidolocal.es/portal/serv_xunta/habilitacion.jsp

5. PROVISIÓN DE POSTOS:

• Concurso unitario :

INSTRUCIÓNS CONCURSO ORDINARIO 2009.

http://www.mpt.es/documentacion/politica_local/sistema_de_informacion_local_-SIL-/funcionarios_con_habilitacion/provisiondepuestos/Concursos-Ordinarios.html

• Libre Designación:

-Bases aprobadas pola Xunta de Goberno Local en municipios de gran poboación (Lei 4/2004, do 28 de xuño) e polos Presidentes nas Deputacións Provinciais. 
-Remisión das bases aprobadas á Dirección Xeral de Administración Local cara a súa publicación.
-Publicación das bases no DOG

6. OUTROS:

7. DIRECCIÓNS E TELÉFONOS:

¿Como funciona?

 Con base en todo isto, nesta opción ofrécese información sobre os funcionarios de Administración local con habilitación de carácter nacional, incluíndo unha referencia á normativa aplicable, unha lista dos postos existentes e un buscador para estes. 

• Listaxe de postos
• Buscador de postos

Subir

Acceso ao servizo