Subvencións e axudas da Dirección Xeral de Administración Local
Que é?
A Dirección Xeral de Administración Local é o órgano encargado da xestión das competencias que se lle se atribúen á Comunidade Autónoma galega no tocante ao fomento de liñas de colaboración coas entidades locais galegas, no referente á convocatoria e á execución de liñas de subvención destinadas a elas. Consecuentemente, encargarase da proposición e xestión de programas conxuntos coas corporacións locais no ámbito propio das competencias que lle correspondan á Consellería de Presidencia, Administracións Públicas e Xustiza, incluíndo a coordinación das propostas que procedan en canto ás convocatorias, selección e adxudicación das subvencións, axudas que se destinan ás entidades locais galegas, facendo un seguimento da súa xustificación.
As liñas de axuda tramitadas son as seguintes:
OBRAS E EQUIPAMENTO PARA A PRESENTACIÓN DE SERVIZOS MUNICIPAIS
Orde do 29 de marzo de 2010 pola que se anuncian axudas económicas destinadas a subvencionar a realización de obras e equipamento para a prestación de servizos municipais nos concellos e nas entidades menores de Galicia.
Obxecto e beneficiarios.
Obxecto e beneficiarios.
1. Convócase subvencións, en réxime de concorrencia competitiva para o ano 2010, ás
entidades de Galicia destinadas á realización de obras de rehabilitación, mellora, adaptación ou
obras complementarias dentro dos edificios destinados a prestación de servizos municipais, así como
equipamentos para servizos.
As actuacións que se poden subvencionar responderán a:
a) Obras de rehabilitación, adaptación, mellora ou obras complementarias dentro dos
edificios destinados a prestación de servizos municipais.
b) Equipamento de mobiliario para os edificios destinados á prestación de servizos
municipais.
2. Poderán ser beneficiarias desta subvención aquelas entidades de Galicia que cumpran cos
seguintes requisitos:
a) Que teñan menos de 30.000 habitantes, de acordo cos datos do derradeiro padrón.
b) Ter presentadas as contas das entidades a que se refire o artigo 208 e seguinte do Real
decreto lexislativo 2/2004, do 5 de marzo, polo que se aproba o texto refundido da Lei reguladora
das facendas locais, correspondentes ao exercicio orzamentario 2008 no Consello de Contas de
Galicia.
En fase de resolución
AUXILIARES DA POLICÍA LOCAL
Orde do 29 de marzo de 2010 pola que se regula a concesión de axudas económicas aos concellos de Galicia para a contratación temporal de auxiliares de policía local durante a tempada de verán.
OBXECTO: Trátase de axudas, en réxime de concorrencia competitiva, destinadas a sufragar os custos de contratación temporal de auxiliares de policía local, contribuíndo cos concellos, co fin de aumentar a eficacia dos seus corpos de policía local, no desenvolvemento das funcións que lle son propias durante a tempada de verán (xuño, xullo, agosto e setembro).
BENEFICIARIOS:
1. Poderán solicitar os beneficios desta orde aqueles concellos que cumpran
cos seguintes requisitos:
a) Que a súa poboación non supere os 30.000 habitantes, segundo o padrón municipal a 1 de
xaneiro de 2009.
b) Que conten con corpo de policía local formado por un mínimo de tres membros.
c) Que vexan aumentada de forma notoria a súa poboación durante os meses de verán e que isto
faga necesario reforzar os servizos que presta a policía local.
d) Que teñan presentadas as contas do concello a que se refire o artigo 208 e seguintes do
Real decreto lexislativo 2/2004, do 5 de marzo, polo que se aproba o texto refundido da Lei
reguladora das facendas locais, correspondentes ao exercicio orzamentario de 2008 no Consello de
Contas de Galicia
2. O número de contratos temporais que efectúe o concello non poderá superar o cincuenta por
cento do persoal funcionario da policía local do concello peticionario, coa excepción prevista no
artigo 95.7º da Lei 4/2007, do 20 de abril, de coordinación de policías locais de Galicia.
O número de contratos temporais que subvencionará a Consellería de Presidencia,
Administracións Públicas e Xustiza non poderá superar o cincuenta por cento do persoal funcionario
da policía local do concello peticionario.
3. Corresponderalle ao concello peticionario o pagamento, como mínimo, do 25% do importe
total do contrato formalizado co/s auxiliar/es de policía local, sendo por conta da Consellería de
Presidencia, Administracións Públicas e Xustiza o pagamento, como máximo, do 75% do custo da
contratación, incluídos os custos sociais.
4. Non serán consideradas as solicitudes dos concellos que non teñan actualizado o envío de
datos da súa policía local ao rexistro de policía local de Galicia (Dirección Xeral de Emerxencias
e Interior) na data en que remate o prazo de presentación de solicitudes.
Resolta publicada no D.O.G. nº126 do 25 de xuño
INFRAESTRUTURAS DE USO PÚBLICO EN ÁMBITOS RURAIS E URBANOS
Orde do 29 de marzo de 2010, pola que se anuncian axudas económicas destinadas a subvencionar a realización de infraestruturas de uso público en ámbitos urbanos e rurais, por parte dos concellos de Galicia.
Obxecto e beneficiarios.
1. Por medio desta orde establécense as bases para conceder subvencións, en réxime
de concorrencia competitiva para o ano 2010, aos concellos de Galicia, destinadas á realización de
infraestruturas de uso público en ámbitos urbanos e rurais, por parte dos concellos de Galicia.
2. As actuacións que se van subvencionar responderán a proxectos completos (fase única), do
seguinte tipo:
a) Adecuación de prazas e paseos municipais.
b) Creación, adecuación ou rehabilitación de espazos e parques destinados á infancia.
3. Poderán ser beneficiarios desta subvención aqueles concellos de Galicia que reúnan os
seguintes requisitos:
a) Que teñan menos de 30.000 habitantes , de acordo cos datos do derradeiro Padrón de
habitantes.
b) Ter presentadas as contas do concello ás que se refire o artigo 208 e seguintes do Real
Decreto Lexislativo 2/2004 , do 5 de Marzo, polo que se aproba o texto refundido da Lei reguladora
das facendas locais, correspondentes ao exercicio orzamentario 2008 no Consello de Contas de
Galicia.
4. Só se poderán presentar un proxecto por concello, no que poderá incluírse máis dunha
actuación.
5. Deberá realizarse a totalidade do proxecto presentado.
En fase de resolución
VEHÍCULOS DE POLICÍA
Orde do 18 de xuño de 2010 pola que se convocan, en réxime de concorrencia competitiva, axudas aos concellos de Galicia para o apoio á policía local, consistentes na cesión en propiedade de vehículos especialmente preparados para o exercicio das súas funcións.
Obxecto.
1. A Consellería de Presidencia, Administracións Públicas e Xustiza contribuirá ao
equipamento dos concellos de Galicia co fin de aumentar a eficacia dos servizos de policía local no
desenvolvemento das funcións que lle son propias, e así aumentar e potenciar a seguridade cidadá
nos concellos, mellorando, polo tanto, a calidade de vida dos seus veciños. Para tal fin, convoca,
en réxime de concorrencia competitiva para o ano 2010, medidas de apoio aos concellos que conten
con servizos de policía local, consistentes na cesión en propiedade de vehículos adecuadamente
preparados.
2. Os vehículos obxecto de cesión serán motocicletas. Todas elas irán adaptadas e rotuladas
para as funcións propias dos corpos de Policía Local de Galicia, segundo o disposto no Decreto
204/2000, do 21 de xullo, polo que se refunde a normativa vixente en materia de coordinación de
policías locais.
Beneficiarios.
1. Poderán solicitar os beneficios desta orde aqueles concellos que cumpran cos seguintes
requisitos:
a) Que a súa poboación non supere os 30.000 habitantes, segundo o padrón municipal en 1 de
xaneiro de 2009.
b) Que conten con servizos de policía local.
c) Que teñan presentadas as contas do concello a que se refire o artigo 208 e seguintes do
Real decreto lexislativo 2/2004, do 5 de marzo, polo que se aproba o texto refundido da Lei
reguladora das facendas locais, correspondentes ao exercicio orzamentario de 2008 no Consello de
Contas de Galicia.
d) Que vexan aumentada de forma notoria a súa poboación motivada pola afluencia turística ou
por outras circunstancias, e que isto faga necesario reforzar os medios técnicos para mellorar os
servizos que presta a policía local.
2. Non serán tidas en conta as solicitudes dos concellos que non teñan actualizado o envío
de datos da súa policía local ao Rexistro de Policía Local de Galicia (Dirección Xeral de
Emerxencias e Interior) na data en que remate o prazo de presentación de
solicitudes.
En fase de recepción de solicitudes e documentación
ASOCIACIONISMO MUNICIPAL
Orde do 29 de marzo de 2010 pola que se anuncian axudas económicas destinadas ao fomento do asociacionismo municipal a través de mancomunidades de municipios e consorcios locais.
Obxecto e beneficiarios.
Establécense subvencións en réxime de concorrencia competitiva para o ano 2010 en favor das
mancomunidades de municipios e consorcios locais de Galicia, no que se refira aos gastos correntes
de funcionamento ou os referidos á prestación de servizos de carácter obrigatorio para os
municipios asociados.
Estas entidades deberán ter presentadas as contas ás que se refire o artigo 208 e seguintes
do Real decreto lexislativo 2/2004, do 5 de marzo, polo que se aproba o texto refundido da Lei
reguladora das facendas locais correspondentes ao exercicio 2008 no consello de Contas de Galicia.
Non serán consideradas as solicitudes daquelas entidades supramunicipais que non teñan
actualizados os seus datos no rexistro de entidades locais de Galicia desta consellería, así como
as dos consorcios locais dos que forma parte a Xunta de Galicia e financie, en todo ou en parte, os
seus gastos de funcionamento.
En fase de resolución
CONFEDERACIÓNS, FEDERACIÓNS, COORDINADORAS OU AGRUPACIÓNS DE ASOCIACIÓNS DE VECIÑOS DE GALICIA
Orde do 29 de marzo de 2010, pola que se anuncian axudas económicas destinadas a subvencionar o funcionamento das confederacións, federacións, coordinadoras ou agrupacións de asociacións de veciños de Galicia.
Obxecto e beneficiarios.
1. Convócanse subvencións en réxime de concorrencia competitiva en favor das confederacións,
federacións, coordinadoras ou agrupacións de asociacións de veciños de Galicia, en diante
entidades, con destino á programación e desenvolvemento durante o ano 2010 de actividades propias e
gastos correntes de funcionamento.
2. Estas entidades deberán, en todo caso, estar debidamente inscritas no Rexistro Central ou
nos rexistros provinciais de asociacións da Consellería de Presidencia, Administracións Públicas e
Xustiza, non sendo consideradas as solicitudes das entidades non inscritas e coa totalidade dos
seus datos actualizados na data en que remate o prazo de presentación de solicitudes.
En fase de resolución
CRITERIOS DE REPARTO DO FONDO DE COMPENSACIÓN AMBIENTAL.
Orde do 25 de xuño de 2010 pola que se regulan a convocatoria de subvencións e os criterios de repartición do Fondo de Compensación Ambiental .
Obxecto e beneficiarios.
1. O Fondo de Compensación Ambiental ten como finalidade a aplicación de actuacións
globais destinadas á conservación, reposición e restauración do ambiente e reequilibrio
territorial. Este Fondo carece de personalidade xurídica e a súa xestión corresponde á dirección
xeral competente en materia de réxime local, de conformidade coas directrices que se establezan
nesta orde.
2. Convócanse subvencións, en réxime de concorrencia competitiva e non competitiva no ano
2010, para as entidades locais de Galicia destinadas á realización de actuacións de investimento
que revistan natureza produtiva e xeradora de emprego. Estas actuacións subvencionables deberán
responder, ademais, a: a) Actuacións orientadas á conservación da biodiversidade, ao coñecemento e
á utilización recreativa e didáctica dos recursos naturais e á utilización recreativa do medio
natural degradado ou contaminado. b) Actuación de impulso da eficiencia e utilización sustentable
das enerxías renovables. c) Así mesmo, poderán financiarse con cargo ao fondo os contratos de
subministración definidos no artigo 9 da Lei 30/2007, do 30 de outubro, de contratos do sector
público, que teñan por obxecto a adquisición de equipamentos, produtos, vehículos ou bens mobles
cuxa finalidade estea vinculada aos obxectivos establecidos nos parágrafos anteriores.
3. Esta orde reguladora da convocatoria de subvencións e dos criterios de repartición do
Fondo de Compensación Ambiental inclúe, segundo o principio de economía procedemental, tres liñas
de subvención coa mesma causa e finalidade, isto é, o cumprimento da Lei 8/2009, do 22 de decembro:
a) Convocatoria de subvencións de natureza non competitiva: para os concellos cuxo territorio
municipal se atope dentro da poligonal de delimitación dun parque eólico e, igualmente, os
afectados pola correspondente instalación de conexión ou vía de evacuación. b) Convocatoria de
subvencións de natureza competitiva: para todos os concellos galegos. c) Convocatoria dunha
subvención en especie de natureza competitiva: para aqueles concellos que conten con servizos de
policía local ou agrupacións de protección civil, consistente na cesión en propiedade de vehículos
todoterreo cun equipamento especial para o desenvolvemento de tarefas no eido ambiental.
4. Poderán ser beneficiarios destas subvencións os concellos de Galicia que cumpran,
ademais, co seguinte requisito: Ter presentadas as contas das entidades a que se refire o artigo
208 e seguinte do Real decreto lexislativo 2/2004, do 5 de marzo, polo que se aproba o texto
refundido da Lei reguladora das facendas locais, correspondentes ao exercicio orzamentario 2008 no
Consello de Contas de Galicia. No suposto de que algún concello dos relacionados nos anexos II.A e
II.B non cumprisen o establecido no parágrafo anterior, a cantidade que lle corresponde
incrementará a cantidade total da liña de subvención de concorrencia competitiva establecida nos
artigos 1.3º b) e 2.3º b).
En fase de recepción de solicitudes e documentación
Como funciona?
Neste servizo teráse acceso as bases das subvencións (texto da orde) e aos anexos de solicitude correspondentes a cada convocatoria aberta, no momento da súa publicación no D.O.G.
As subvencións concedidas publicaranse a traves de listados, coa expresión da convocatoria, do programa e do crédito orzamentario a que se imputen, do beneficiario (clasificando os concellos beneficiarios por provincias), da cantidade concedida e da finalidade ou finalidades da subvención.
Suxestións e queixas | Aviso legal | Atendémolo/a