Ferramentas da lingua galega

Dicionario da RAG: Este dicionario especifícanos o/os significado/s da/s palabra/s que buscamos e indícanos os seus sinónimos.    Pechar

Vocabulario da RAG: O vocabulario especifícanos a morfoloxía da palabra que buscamos.   Pechar

Dicionario enciclopédico: O Dicionario galego das TIC é froito dunha iniciativa conxunta da Xunta de Galicia e da Asociación de Enxeñeiros de Telecomunicacións de Galicia, desenvolvida coa colaboración da Universidade de Vigo e da Real Academia Galega. Trátase dun compendio documental de referencia que aglutina os termos conceptuais que expresan o amplo universo das TIC e da sociedade da información, reunindo máis de 4.000 vocablos.     Pechar

Servizo de Consulta Lingüística: O área de asesoramento lingüístico atende calquera consulta relacionada coa lingua galega (sobre fonética, ortografía, morfoloxía, sintaxe...) ou de carácter terminolóxico, en colaboración co Servizo de Terminoloxía da Real Academia Galega (Termigal). Tamén dúbidas sobre outros aspectos relacionados coa lingua galega, como lexislación, dereitos e deberes lingüísticos, toponimia e antroponimia, datos sociolingüísticos, asesoramento en bibliografía, etc.   Pechar

A Secretaría Xeral de Política Lingüística ofrece, a través da Área de Asesoramento Lingüístico, un servizo de corrección de textos en galego e tamén de tradución de textos breves redactados en castelán, atendendo aos seguintes criterios:

Os textos hanse remitir, preferentemente, en soporte electrónico e en formato word, para optimizar o tempo de execución do traballo e tamén a súa calidade final.

Correccións:

A Área de Asesoramento Lingüístico realiza traballos de corrección de textos en lingua galega. Segundo este criterio, non se realizan correccións de documentos redactados noutras linguas.
As correccións realízanse atendendo ao aspecto ortográfico, morfolóxico, léxico, etc., de cará á correcta normativización do texto. De considerar que é precisa unha revisión de estilo, logo de consultar ao usuario, procédese ás modificacións pertinentes, a prol sempre dunha maior calidade lingüística do texto.

Traducións:

Realízanse traducións do castelán ao galego de textos breves, sempre que a demanda do solicitante non teña carácter continuo.
As traducións son literais do texto orixinal e, de considerar a necesidade de introducir cambios relevantes na procura dunha maior calidade do texto, comunícaselle previamente ao remitente da tradución, para proceder ás rectificacións oportunas.   Pechar

Distintas ferramentas/sistemas que permiten traducir ao galego textos, documentos e páxinas web escritos en castelán.  Pechar

Toponimia de Galicia:

 Este servizo recolle a toponimia das provincias, parroquias, concellos e lugares de Galicia, de acordo cos ditames da Comisión de Toponimia e coas normas ditadas pola Xunta de Galicia.

Pode realizar unha busca guiada ou unha busca directa no servizo de consulta do Nomenclátor.

A toponimia oficial elaborouse con base nos principios normativos seguintes:

Lei 3/1983, do 15 de xuño, de normalización lingüística (DOG 14.07.1983). No seu artigo 10 establece:

•    Os topónimos terán como única forma oficial a galega.
•    Corresponde á Xunta de Galicia a determinación dos nomes oficiais dos municipios, dos territorios, dos núcleos de poboación, das vías de comunicación interurbanas e dos topónimos de Galicia. O nome das vías urbanas será determinado polo Concello correspondente.
•    Estas denominacións son as legais a tódolos efectos e a rotulación terá que concordar con elas. A Xunta de Galicia regulamentará a normalización da rotulación pública respectando en tódolos casos as normas internacionais que subscriba o Estado.

 Decreto 43/1984, do 23 de marzo, polo que se regulan as funcións e a composición da Comisión de Toponimia (DOG do 31.03.1984), modificado polo Decreto 174/1998, do 5 de xuño (DOG do 22.06.1998)

Decreto 132/1984, do 6 de setembro, polo que se establece o procedemento para a fixación ou recuperación da toponimia de Galicia (DOG do 21.09.1984). 

A toponimia oficial está recollida nos seguintes decretos:

A Coruña: Decreto 189/2003, do 6 de febreiro (DOG do 25.03.2003).

Lugo: Decreto 6/2000, do 7 de xaneiro (DOG do 25.01.2000).

Ourense: Decreto 332/1996, do 26 de xullo (DOG do 29.08.1996).

Pontevedra: Decreto 219/1998, do 2 de xullo (DOG do 28.07.1998).   Pechar