Outros servizos e-Administración

A Rede de Centros para a Modernización e a Inclusión Tecnolóxica  é unha iniciativa posta en marcha pola Xunta da Galicia que busca impulsar as TIC e a Sociedade da Información na comunidade galega. Esta rede forma parte da Axenda Dixital 2014.gal, enmarcada no Plan Estratéxico Galicia 2010-2014 que ten como fin acadar a converxencia tecnolóxica con Europa no horizonte do ano 2020.

A Rede CeMIT nace cos obxectivos estratéxicos de vertebrar territorial e socialmente Galicia, en especial onde a fenda dixital se fai máis evidente, e impulsar, potenciar e difundo os coñecementos nas tecnoloxías da información e a comunicación en tres colectivos principalmente: cidadanía, profesionais TIC e empregados públicos

A nova Rede CeMIT configurase como un importante vehículo para a posta en práctica de iniciativas orientadas a impulsar o emprego das TIC de cara a fomentar a empregabilidade, a competitividade empresarial, a eInclusión, o eBenestar e o pulo da eAdministración.    Pechar

A Dirección Xeral de Comunicación ten dentro de seus obxectivos a formación no ámbito da comunicación dixital mediante as contribucións das novas tecnoloxías no ámbito da comunicación audiovisual. Con este fin, utiliza a rede de centros de comunicación, formada pola rede de aulas multimedia de Galicia e a rede de telecentros de comunicación.
A rede de aulas multimedia constitúese como un medio de comunicación audiovisual necesario para levar a cabo o seu obxectivo fundamental: achegarlle á cidadanía programas de formación multimedia e audiovisuais, que responden ás novas demandas como desenvolvemento de páxinas web, vídeo na internet, CD interactivos, teleformación e arte dixital.
O Centro Multimedia de Galicia actúa como centro neurálxico da rede de aulas multimedia, prestándolles soporte e mantemento, así como coordinación e reserva dos diferentes eventos que se realizan.
A través deste servizo pódense reservar aulas multimedia para realizar calquera evento sen ánimo de lucro. Poden reservar cidadáns en xeral, grupos e colectivos espcíficos, estudantes, administracións locais ou empresas.
A Sala Audiovisual dispón de equipos informáticos, sistemas de proxección, equipos de imaxe e son e equipos de videoconferencia. Estas salas están pensadas para permitir a transmisión de eventos relevantes, presentacións, cursos etc., que se poderán seguir desde calquera outra aula multimedia.
A sala web está formada por equipos informáticos e equipos de videoconferencia. Permite o acceso á internet de alta capacidade, vídeo baixo demanda, acceso a contidos multimedia e audiovisuais e acceso á AGI e ás súas aplicacións.   Pechar

A Dirección Xeral de Comunicación presta un servizo bibliotecario multimedia en rede para que as bibliotecas especializadas e de especial interese para o patrimonio bibliográfico galego xestionen os seus fondos.

Así mesmo, a Dirección Xeral de Comunicación comprometeuse co desenvolvemento das bibliotecas públicas municipais nun proxecto de grande envergadura, no que se pretende que todas as bibliotecas públicas municipais se incorporen a este sistema bibliotecario multimedia en rede (Millennium) a través dunha única interface de busca.

O obxectivo final deste proxecto é que o usuario, dende calquera punto onde estea, poida saber en que biblioteca se atopa o libro que lle interesa ler.   Pechar

O primeiro dos traballos desenvolvidos pola Oficina de TDT foi a caracterización e elaboración dun 'Diagnóstico do escenario de explotación da TDT en Galicia', como exercicio necesario para a identificación das barreiras que estaban a actuar como inhibidoras do desenvolvemento efectivo da TDT na nosa Comunidade Autónoma, e como paso previo á definición de todas as liñas de actuación, recollidas posteriormente no Plano Director, que se ergan en facilitadores desas barreiras.

Tras a elaboración do diagnóstico, elaboráronse dous guías/titoriais de actuación para o desenvolvemento dos proxectos de TDT en Galicia.

As guías van destinadas aos concellos galegos e entidades privadas interesados na explotación dunha canle de televisión dixital local. As guías expoñen de xeito claro e cunha linguaxe comprensible os pasos a seguir dende que se leva a cabo a solicitude para a xestión dunha canle de televisión local ata o comezo da emisión desta. Están elaborados de acordo coa normativa vixente que regula o proceso de concesión das canles de televisión dixital tanto en réxime de xestión directa como indirecta.

Despois da elaboración do diagnóstico do escenario de explotación da TDT en Galicia e das guías/titoriais para o desenvolvemento dos proxectos de televisión, un dos fitos máis importantes tras a creación da Oficina Técnica de TDT foi a elaboración do Plano Director desta, no que se recollen as actuacións que esta deberá levar a cabo durante os próximos anos para asegurar o correcto despregamento da TDT na nosa Comunidade Autónoma.

Plano Director de Oficina Técnica de TDT en Galicia

Este Plano Director constitúe a base sobre a que xirará a actividade da Oficina Técnica ata a data do apagamento, mostrando as actividades e grupos de traballo a desenvolver, a metodoloxía de lanzamento destes, os recursos necesarios, o modelo de avaliación dos resultados obtidos, etc. .    Pechar

A Rede de Dinamización da Sociedade da Información traballa a prol da alfabetización dixital para inmersión dos galegos e galegas na Sociedade da Información, titorizando tecnoloxicamente a todos os segmentos da poboación, mais facendo especial fincapé nos colectivos con menos acceso á Informática, a Internet e ás Novas Tecnoloxías.

A  Rede de Dinamización da Sociedade da Información oferta un catálogo de Obradoiros TIC en liña, obradoiros a través de Internet de temática moi variada e adaptada as túas necesidades. Estes Obradoiros TIC en liña contan con materiais didácticos, de tal xeito que os poderás realizar cando queiras, onde queiras e ao teu ritmo.   Pechar

O servizo web de asistencia xurídica gratuíta da Dirección Xeral de Xustiza está dirixido aos profesionais designados en procedementos de asistencia xurídica gratuíta así como ás comisións encargadas da tramitación destes.  Teñen dereito á prestación da asistencia xurídica gratuíta:

* Os cidadáns españois, os nacionais dos demais estados membros da Unión Europea e os estranxeiros que residan legalmente en España cando acrediten insuficiencia de recursos para litigar.
* As entidades xestoras e servizos comúns da Seguridade Social, en todo caso.
* As seguintes persoas xurídicas, cando acrediten insuficiencia de recursos para litigar:
- Asociacións de utilidade pública previstas no artigo 4º da Lei 191/1964, do 2 de decembro, reguladora das asociacións.
- Fundacións inscritas no rexistro administrativo correspondente.
- Na orde xurisdicional social (laboral), para a defensa en xuízo, os traballadores e os beneficiarios do sistema da Seguridade Social.
- Na orde xurisdicional penal, terán dereito á asistencia letrada e á defensa e representación gratuíta os cidadáns estranxeiros que acrediten insuficiencia de recursos para litigar, aínda que non residan legalmente en territorio español.
- Na orde contencioso-administrativa, así como na vía administrativa previa, os cidadáns estranxeiros que acrediten insuficiencia de recursos para litigar, aínda que non residan legalmente en territorio español, terán dereito á asistencia letrada e á defensa e representación gratuítas en todos aqueles procesos relativos á denegación da súa entrada, á súa devolución ou expulsión do territorio español e en todos os procedementos en materia de asilo (artigo 2 e artigo 22 da Lei orgánica 4/2000, do 11 de xaneiro, modificada pola Lei orgánica 8/2000, do 22 de decembro).    Pechar

A través deste portal, de forma cómoda e segura, o persoal ao servizo da administración de Xustiza poderá xestionar as súas solicitudes de permisos, reincorporación ao posto de traballo despois de enfermidade, licenza por estudos, axudas do programa de acción Social,  cursos de formación continua, vacacións. Ademais, pode consultar o cómputo acumulado polo sistema automatizado de control horario e imprimir os partes de incidencias.

Lembre que é preciso imprimir a solicitude, asinala por vostede, recoller a sinatura do director funcional (secretario xudicial, fiscal xefe, etc) e remitila por correo ao Servizo de Xustiza da respectiva delegación provincial (as licencias por estudos remitiranse ao Servizo de Recursos Humanos da Dirección Xeral de Xustiza).
O portal incorporará á súa solicitude unha pegada informática que permitirá un funcionamento máis eficiente da xestión de persoal e, asemade, facilitarlle a vostede un sinxelo xeito de consulta do estado da súa solicitude.   Pechar

Un dos instrumentos básicos de colaboración ao servizo da actuación das administracións públicas son os convenios. A Xunta de Galicia pode celebrar convenios de colaboración, coordinación, execución ou asimilables con outras administracións e entidades públicas e privadas no ámbito das súas respectivas competencias.

A Consellería da Presidencia, Administracións Públicas e Xustiza, a través da Dirección Xeral de Relacións Institucionais e Parlamentarias, ten asumido a competencia para xestionar o rexistro dos convenios que asinen a Xunta de Galicia, organismos autónomos e entes de dereito público vinculados ou dependentes dela.

O Rexistro de convenios regúlase polo Decreto 126/2006, do 20 de xullo (DOG nº 149, do 3 de agosto de 2005), e pretende ser un elemento fundamental no proceso global de mellora dos mecanismos de transparencia e publicidade das actuacións da Xunta de Galicia. En cumprimento deste compromiso de transparencia, nesta páxina poñemos a disposición da cidadanía a posibilidade de consultar a base de datos dos convenios asinados pola Xunta de Galicia e os seus organismos dependentes.   Pechar

As novas tecnoloxías da información e das comunicacións (TIC) xogan, en plena sociedade da información, un papel fundamental, tanto no que se refire á difusión e transferencia de coñecemento como na elaboración dos contidos, e, de xeito especial, na formación. Dende esta opción, se vostede e persoal da Administración autonómica, local ou estatal ou dalgunha outra administración, poderá darse de alta e xestionar as súas matrículas nos cursos por teleformación que xestione a EGAP.   Pechar

A teleformación pon á disposición dos alumnos unha serie de recursos (programas de aprendizaxe en liña que inclúen animacións, simulacións, audio e secuencias de vídeo, grupos de discusión entre expertos e compañeiros, ligazóns aos materiais na web etc.) que permite desenvolver de forma moi activa, comprensiva e flexible as capacidades dos destinatarios da formación (neste caso, os empregados públicos), conseguindo un sistema de aprendizaxe máis individualizado e dinámico, que permite unha constante actualización dos distintos contidos da formación, cunha interacción e proximidade entre investigación e docencia moito maior.
Dende esta opción poderá acceder, mediante usuario e contrasinal, á teleformación da EGAP.   Pechar

A Escola Galega de Administracións Públicas (EGAP) crea o ‘Xogoleco’, un xogo interactivo que pretende impulsar o coñecemento e as boas prácticas no tratamento da nova Lei de contratos do sector público entre os traballadores da Xunta de Galicia. Así, dun xeito sinxelo e divertido, os empregados da Administración e todas as persoas interesadas nesta normativa, poderán familiarizarse con ela a través de cinco modalidades de xogo diferentes. O xogo xa está accesible a través da páxina web da Escola.

A experiencia, pioneira nas escolas de administración pública de España, está baseada na tendencia, cada vez máis frecuente, de empregar xogos como novos modelos de ensinanza-aprendizaxe, denominada Game-Based learning. Neste sentido, nos últimos anos está crecendo o número de empresas e entidades que comprenden a importancia de incorporar instancias lúdicas aos seus procesos formativos, tendo en conta que os xogos interactivos, como calquera outro recurso cultural, son ferramentas de socialización que aportan ao xogador competencias e habilidades instrumentais e sociais.    Pechar

Como usuario do sitio web da Academia Galega de Seguridade Pública, poderá acceder á información, rexistrarse en cursos e obter múltiples vantaxes. Para ter acceso completo aos cursos precisa crear unha conta para vostede neste sitio web. Ademais, cada un dos cursos pode ter unha clave de acceso que necesitará para entrar neles. Estes son os pasos que debe seguir:

• cubrir solicitude de alta.
• O sistema enviaralle unha mensaxe electrónica para verificar que o seu enderezo é correcto.
• Lea a mensaxe e confirme a súa alta.
• Para entrar nos cursos pediráselle unha "contrasinal de acceso", que se lle enviará cando se matricule neles.
• A partir dese momento non precisará empregar máis que o seu nome e contrasinal.

Se xa está dado de alta no sistema, só terá que visitar a opción correspondente.   Pechar

O Siapol é unha aplicación informática en liña que é accesible a través dun navegador ao que todos os usuarios poderán acceder dende calquera ordenador mediante unha clave persoal. Deste modo, os axentes terán un servizo de apoio á súa actividade que lles facilitará a definición e a consulta de procedementos de actuación así como de ferramentas de apoio ao seu labor no ámbito autonómico. O Siapol inclúe 400 procedementos e moitas funcionalidades: consulta, noticias, ferramentas de planificación de actividades, formación e información complementaria. Cun sistema de busca por palabras ou un índice estruturado por materias, pódese acceder a unha actuación reactiva e preventiva que guía o policía en distintas situacións e lle explica qué pasos seguir, o procedemento de investigación, a elaboración de dilixencias, os formularios relacionados, a lexislación e xurisprudencia asociada e as referencias bibliográficas asociadas.     Pechar

Quen pode inscribirse:

Vantaxes da Inscrición:

Quen pode inscribirse:

Vantaxes da Inscrición:

Na oficina virtual tributaria poderá realizar dende presentacións telemáticas e valoracións de bens inmobles ata consultar o estado dos expedientes. Ademais, poderá atopar toda a información relativa aos tributos da comunidade autónoma, xa sexan propios ou cedidos, ordenada por imposto e con acceso á súa normativa, guías explicativas e modelos.
Dende esta opción poderá acceder aos servizos con tres niveis de acceso:

      * Servizos con acceso libre.
      * Servizos con certificado dixital. 
      * Servizos de usuarios autorizados con certificado dixital.   Pechar

A oficina virtual de perceptores é a oficina orientada a todos os perceptores que teñen algunha relación contable coa Xunta de Galicia. Poderá acceder dos seguintes xeitos:

Sen necesidade de ningún requisito previo aos seguintes servizos:
      * Validación de documentos: se vostede coñece o MAC do documento, poderá comprobar a súa validez. 
      * Consulta da Lei de réxime financeiro e orzamentario: consulta do texto legal completo. 
      * Consulta do rexistro público de axudas, subvencións e convenios e de sancións da Xunta de Galicia.
      * Orzamentos do ano en curso: consulta dos orzamentos da Comunidade Autónoma de Galicia para o exercicio actual.

Se vostede posúe un certificado dixital, poderá acceder aos seguintes servizos:
      * Consulta de operacións de pagamentos: permite consultar os pagos que diferentes entidades da Xunta de Galicia fixeron ao seu favor.
      * Mantemento de terceiros: permite consultar e modificar datos persoais, enderezos, teléfono, correo electrónico etc.

DEC corredores e sociedades de corredoría de seguros:
      * Remisión telemática da documentación estatístico-contable dos corredores de seguros e as sociedades de corredoría de seguros á Dirección Xeral de Política Financeira.   Pechar

Esta oficina virtual está pensada para os tramitadores administrativos (TA) e profesionais, para que poidan realizar a presentación de liquidacións de terceiros. Para o uso da oficina virtual na opción USUARIOS REXISTRADOS é preciso solicitar un certificado da Fábrica Nacional de Moeda e Timbre (FNMT) de clase 2 CA.
Son válidos igualmente os certificados expedidos polas autoridades certificadoras admitidas pola Consellería de Facenda. Nesta páxina web está á súa disposición a ficha para a identificación dos usuarios do seu despacho profesional que van acceder ás nosas aplicacións e o modelo de solicitude de autorización para a presentación e pago telemático de autoliquidacións, que deberá subscribir e asinar o tramitador administrativo (TA). Unha vez cubertos ambos documentos, dirixiranse á Dirección Xeral de Tributos e remitiranse por correo ou por fax ao 981544169, xunto coa certificación acreditativa da súa pertenza a Asociación Nacional de Tramitadores Administrativos (TA) e profesionais (ANTAP).   Pechar

Dende esta opción, se vostede é empregado público e dispón de certificado dixital, poderá acceder aos seguintes servizos na oficina virtual do empregado público:

      * Simulación cálculo de retribucións: para coñecer as retribucións dos empregados públicos.
      * Validación de documentos: se vostede coñece o MAC do documento, poderá comprobar a súa validez.
      * Rexistro de empregados públicos: un empregado público poderá realizar o seu rexistro para poder acceder á información e opcións que precisan deste modo de acceso restrinxido.
Se vostede é un empregado público previamente rexistrado na oficina virtual do empregado público, poderá acceder coa súa clave persoal aos seguintes servizos.
      *Consulta do histórico da nómina: consulta da lista resumida dun perceptor nun determinado mes e ano. 
      *Consulta de operacións na Web: Consulta das operacións realizadas sobre as contas de rexistro dun determinado usuario.
      *Forma de recepción de haberes: Pode cambiar a conta de correo á que quere que se lle envíe o recibo mensual de haberes ou anular o envío do dito recibo.
      *Recibo anual de haberes: consulta dos recibos anuais de haberes.   Pechar

Dende esta aplicación poderá facer a presentación de instancias para acceso aos procesos selectivos da Xunta de Galicia.
Nesta páxina dispón de dous enlaces para a xeración de solicitudes de acceso aos procesos selectivos. Existen duas formas de acceso: con  certificado da Fábrica Nacional de Moeda e Timbre (FNMT) de clase 2 CA. e sen certificado.   Pechar

SIRGA é un portal a través do cal cidadáns, empresas e administracións poden acceder a información sobre a xestión de residuos en Galicia e tramitar, por vía telemática, diferentes procedementos administrativos. O acceso privado de SIRGA vai dirixido a empresas ou particulares que estean inscritos ou en trámites de inscrición no rexistro xeral de produtores e xestores de residuos de Galicia. Como usuario rexistrado, poderá consultar os seguintes servizos:
      * Rexistro xeral de produtores e xestores de residuos de Galicia.
      * Estado dos expedientes.
      * Tramitar os documentos de traslado de residuos perigosos dentro do ámbito territorial de Galicia coas seguintes vantaxes:
          - Consulta en tempo real dos seus expedientes e autorizacións, con información administrativa sobre a documentación requirida e presentada, datas e prazos.
         - Presentación vía telemática (con certificado dixital) dos documentos de traslado de residuos perigosos, substituíndo así a presentación dos documentos impresos en papel. Posibilidade de elaborar informes a medida.  Pechar

No ano 2003 iniciáronse os traballos destinados á obtención de datos xeométricos e de equipamento para o inventario da Rede Autonómica de Estradas de Galicia (RAEG).

A eficiente explotación da información adquirida conséguese a través dunha base de datos informatizada.

Un dos resultados do inventario é o Catálogo visual de estradas, accesible dende esta páxina web para calquera persoa. A través deste catálogo accédese á imaxe visual do condutor e aos datos xeométricos máis significativos de calquera punto quilométrico que conforma RAEG. Tamén se pode realizar o percorrido visual ao longo da estrada que se seleccione avanzando ou retrocedendo segundo se necesite.    Pechar

Sistema a través do cal os titulares das instalacións comprendidas no ámbito de aplicación do Real Decreto 117/2003 rexistran unha serie de datos necesarios para que a Administración Ambiental poda comprobar o cumprimento das obligacións establecidas por dita normativa.    Pechar

O  solo é un medio receptor da contaminación moi sensible e vulnerable. Esta contaminación representa un serio risco para a saúde humana e os ecosistemas. Historicamente, os estudos de detección da contaminación e as intervencións de prevención centráronse en diferentes áreas do medio, sen ter en consideración o solo como receptor e transmisor da contaminación. Isto débese tanto á complexidade do seu estudo como ao atraso existente na manifestación dos seus efectos.
A primeira norma legal que permitiu unha protección da calidade dos solos foi a Lei 10/1998, do 21 de abril, de residuos . Esta lei regula os aspectos ambientais dos solos contaminados e faculta as comunidades autónomas para declarar, delimitar e inventariar os solos contaminados, debido á presenza de compoñentes de carácter perigoso de orixe humana.
O Real decreto 9/2005, polo que se establece a relación de actividades potencialmente contaminantes do solo e os criterios e estándares para a declaración de solos contaminados, supón o desenvolvemento normativo da Lei 10/1998 en materia de solos. Como primeira actividade, este real decreto obriga as empresas afectadas á preparación dun informe preliminar de situación. A data límite para a entrega deste informe é o 7 de febreiro de 2007.   Pechar

Arquivo de histórico de contratación: dende esta opción o usuario poderá consultar o histórico da contratación da Consellería de Medio Ambiente e Desenvolvemento Sostible. Poderanse facer consultas a partir da descrición da contratación, empresa adxudicataria, importe etc. Pechar

A « A21EG» é un programa que ten como finalidade potenciar a educación para ao desenvolvemento sostible na oferta educativa dos centros de ensino de primaria e secundaria de Galicia.

"Programa marco que pretende revisar a práctica educativa do centro para formar ás xeracións futuras; formar cidadáns responsables que adquiran unha serie de valores, actitudes, hábitos e comportamentos (capaces de participar democraticamente no medio, de tomar decisións e de asumir responsabilidades)."

Promovido pola Consellería de Medio Ambiente e Desenvolvemento Sostible – CMADS, estáse a desenvolver conxuntamente coa Consellería de Educación e Ordenación Universitaria – CEOU, toda vez que gravita directamente sobre o sistema educativo, e a implantación e o desenvolvemento consecuente da A21EG implica a reformulación do “Proxecto Educativo de Centro – PEC” e demais documentos programáticos.

É un programa de inscrición voluntaria, baseado nun compromiso polas partes: centro educativo, administración autonómica (CMADS e CEOU) e administración local (concello e mancomunidades).     Pechar

A Consellería creou o Rexistro Único de Demandantes de Vivenda Protexida co que se pretende ter información rigorosa sobre a demanda de vivenda protexida e permitirá evitar irregularidades na compravenda de vivenda protexida.  É CÓMODO xa que a consellería pode incluirte no sorteo de cada promoción que se axuste á túa solicitude; EFICAZ, porque permite coñecer a demanda real de vivenda protexida; e TRANSPARENTE, na adxudicación da vivenda.

Dende esta opción poderás consultar os teus datos, introducindo o teu DNI, NIF ou número de pasaporte e o Número de Expediente.   Pechar

O Plan de Vivenda 2005-2008 ten coma obxectivo favorecer o acceso a toda a cidadanía a unha vivenda de calidade a través de diferentes inicativas que van dende as axudas directas á subvencións de axentes intermediarios.

A Consellería de Vivenda e Solo no seu esforzo para favorecer o acceso a vivenda de toda a cidadanía pon en marcha diferentes iniciativas e programas, enmarcados no Plan Vivenda 2005-2008. Ao pensar na túa vivenda terás exposto moitas cuestións; que tipos de axuda existen, cales son os seus requisitos.
Esta ferramenta quere facilitarche información e recursos para responder ás tuas preguntas. En só 5 minutos poraste ao día, coñecerás todas as posibles axudas, coñecerás o Plan Vivenda 2005-2008 en profundidade.  Pechar

A Consellaría de Innovación e Industria, a través do Plan Galego de Investigación, Desenvolvemento e Innovación (INCITE), pon en marcha o Rexistro de Axentes Privados de Innovación, unha rede de empresas especializadas en xestión da innovación capaces de levar a cabo o asesoramento e a implantación de proxectos empresariais innovadores.

A función destes Axentes Privados de Innovación será de seguimento e de asesoramento ás empresas usuarias. O seu traballo consistirá no deseño e no desenvolvemento de proxectos aptos para optar aos programas de axudas en materia de innovación autonómicos, estatais e internacionais.

Para formar parte do rexistro, as empresas interesadas deben formalizar a súa solicitude cubrindo o seguinte formulario. A súa candidatura será valorada e, no caso de ser aceptada, a empresa entrará a formar parte dos recursos externos de CAPITA (Centro de Apoio a Proxectos Innovadores Tecnoloxicamente Avanzados), unha nova unidade coa que o Plan Galego de I+D+I estimulará a innovación empresarial en Galicia e a colaboración entre axentes do sistema de I+D+i.

CAPITA establecerá deste xeito unha rede de empresas especializadas en xestión da innovación capaces de levar a cabo o asesoramento e a implantación de proxectos empresariais innovadores coa finalidade de garantir a súa calidade e a súa viabilidade. Estes expertos apoiarán a empresas locais no desenvolvemento de proxectos en ámbitos diversos afíns ás necesidades da I+D+I, desde a xestión ou o financiamento até, por exemplo, servizos relacionados coa propiedade industrial.

Se a súa organización non cumpre os requirimentos para a súa inscrición no Rexistro de Axentes Privados de Innovación pero está interesada noutras modalidades de participación en CAPITA, pode cubrir o formulario de expresión de interese.   Pechar

Nesta páxina, instaladores autorizados pola Consellería de Innovación e Industria poden obter, cubrir e presentar por vía telemática os formularios para a solicitude de Rexistro de instalacións eléctricas de baixa tensión.

Polo de agora, só se poderán presentar a través deste rexistro telemático da Xunta de Galicia as solicitudes relativas ás instalacións eléctricas de baixa tensión que non precisen a confección dun proxecto técnico para a súa tramitación. Para a utilización deste servizo, o instalador debe dispor de certificado dixital da FNMT Clase 2 CA.   Pechar

Dende esta opción poderá acceder, mediante certificado dixital, á oficina virtual do Igape. Esta páxina contén todos os puntos de acceso relacionados coa tramitación telemática de expedientes no Igape. Para o acceso a determinados servizos é necesaria a utilización dun certificado electrónico X509 v.3 expedido por entidade certificadora aceptada pola Consellería de Economía e Facenda. Os servizos dispoñibles neste momento son os seguintes:

      * Comprobación de documentación expedida polo Igape. Se vostede ten un documento en papel, sen validación por parte do Igape, e cun código IDE, pode comprobar nesta sección a súa validez (nun futuro tamén poderá obter o dito documento asinado electronicamente polo Igape).
      * Cuestionarios de definición de proxecto definidos en diversas bases reguladoras de axudas do Igape (mellora da productividade, acción exterior etc.) nas que se cita especificamente este modo de tramitación. Necesita certificado electrónico só no caso de que desexe presentalo telematicamente.
      * Cuestionarios de definición de proxecto definidos na Resolución do 9 de maio de 2005 na que se fan públicas as bases reguladoras das axudas do Igape para a elaboración de diagnósticos empresariais. Necesita certificado electrónico só no caso de que desexe presentalo telemáticamente.
      * Notificación telemática. Se vostede elixiu que as notificacións do IGAPE lle sexan entregadas por vía telemática, debe comprobar con frecuencia este servizo.
      * Extranet de entidades colaboradoras. A través deste enlace, as entidades colaboradoras do Igape (por exemplo, entidades financeiras) poden xestionar os seus expedientes en trámite.   Pechar

NERTA é a aplicación de xestión do acceso ao sistema universitario de Galicia. Nesta aplicación pódense realizar as seguintes operacións:
Consulta de datos:

• Persoais e académicos dos estudos de acceso.
• Matrícula, cualificacións e reclamacións da PAU.
• Admisión en titulacións universitarias do SUG con límite de prazas.

Solicitudes:

• Reclamación e segunda corrección das cualificacións da PAU.
• Admisión en titulacións universitarias do SUG con límite de prazas.   Pechar  

PLATEGA está orientada a facilitar a formación do profesorado que por razóns xeográficas, de horario ou situacións persoais non ten fácil acceso ás ofertas formativas ordinarias. Ademais, estes cursos pretenden acelerar a adaptación do profesorado ás transformacións do sistema educativo e promover as tecnoloxías da información e a comunicación.
A Plataforma de teleformación de Galicia contén varios módulos de actividades como: foros, xornais, apuntamentos, tarefas, cuestionarios, consultas, enquisas, materiais, chats, cuestionarios, etc... Se está autorizado a facer teleformación poderá acceder a este servizo con usuario e contrasinal.   Pechar

Dende esta aplicación poderánse facer dous tipos de xestión: Consulta pública do plan de formación (consultas anónimas das actividades ofertadas no Plan Anual de Formación). E entrada no sistema/autentificación(acceso privado para acceder a inscrición nas actividades do Plan Anual de Formación, consultar a situación da persoa nas actividades nas que está inscrito, e outras tarefas de xestión.  Pechar

Dende esta aplicación poderáse acceder á busca avanzada de centros educativos non universitarios.  Pechar

Dende esta aplicación poderáse acceder a XADE (Xestión Administrativa da Educación). Esta aplicación simplifica e moderniza os procedementos de xestión dos recursos educativos.
Outra iniciativa deste proxecto consiste en centralizar os datos académicos dos alumnos a través de Internet. Para poder acceder a esta aplicación débese estar autentificado con usuario e contrasinal.  Pechar

Dende esta aplicación poderáse acceder á aplicación de persoal docente onde se poden consultar e facer xestións en temas como: concursos xerais de traslados (CXT) e elección de vacantes provisionais (EVP), oposicións a corpos docentes non universitarios, mantemento e xestión de cargos directivos e órganos didácticos (departamentos), mantemento e xestión de coberturas, substitucións e interinidades, listaxes de consulta de substitucións e interinidades, así como a modificación de datos persoais.  Pechar

Dende esta opción poderáse inscribir nos procesos selectivos de ensinanzas non universitarias da Consellería de Educación e Ordenación Universitaria. Este ano deberá crear obrigatoriamente a súa instancia dende esta aplicación, onde poderá xerar unha copia impresa. Lembre que segue a ser obrigatorio que a solicitude impresa se presente nos rexistros habilitados a tal efecto dentro das datas indicadas en cada convocatoria.   Pechar

O programa  PALE é un programa dirixido aos seguintes colectivos docentes:

• Profesorado de inglés en educación infantil.
• Profesorado de inglés en educación primaria.
• Profesorado CLIL (seccións bilingües) de primaria, secundaria ou formación profesional, que imparten a súa área, materia ou módulo non lingüísticos en inglés ou francés.   Pechar

O programa de gratuidade ten como obxectivo facilitar ao alumnado a utilización dos libros de texto existentes nos centros.
O programa XADELIBROS permite a xestión da reposición do programa de gratuidade de libros de texto e materiais curriculares en centros sostidos con fondos públicos para os niveis obrigatorios e gratuítos.   Pechar

Avaliación de carácter censual que versa sobre as competencias básicas do alumnado e que se desenvolve en todos os centros que imparten ensinanza básica. Debe dar lugar a compromisos de revisión e mellora a partir dos resultados que delase obteñan. O marco teórico para a súa realización é o establecido para a avaliación xeral de diagnóstico que realiza o Ministerio de Educación, Política Social e Deporte a través do Instituto de Avaliación, entidade á que se lle encomenda a realización das avaliacións xerais do sistema educativo. O programa permite xestionar as avaliacións.   Pechar

A Consellería de Educación e Ordenación Universitaria convoca 3.077 prazas para realizar actividades de inmersión lingüística no ano 2010.
Poderá solicitar estas axudas o alumnado de centros sostidos con fondos públicos da Comunidade Autónoma de Galicia dos cursos que aparecen nesta táboa e que non fora beneficiario desta axuda no verán de 2008 ou no verán de 2009.   Pechar

Esta sección está pensada para informar a cidadanía sobre os servizos sanitarios que ofrece o sistema público de saúde. Aquí poderá localizar calquera unidade do sistema público de saúde ou coñecer o seu funcionamento. Dende esta opción, vostede, como usuario do Sergas, poderá realizar xestións en liña como:

* Solicitar, consultar ou modificar unha cita de atención primaria.   
* Solicitar a tarxeta sanitaria ou realizar calquera cambio de datos.  
* Se vostede fixo un trámite de tarxeta sanitaria, consultar o seu estado.  
* Buscar en toda a carteira de médicos do seu centro de saúde.  
* Solicitar unha nova tarxeta por perda, rotura ou deterioración.  
* Guía de servizos personalizada.  
* Cambiar o médico.  
* Información de tarxeta sanitaria.  
* Solicitar a tarxeta de doador de órganos e tecidos.  
* Subscribirse tematicamente a alertas, co fin de recibir avisos no móbil a través de SMS sobre as novas da sanidade.  
* Acceso aos datos da lista de espera cirúrxica a través do espazo electrónico da Sanidade pública galega, sempre e cando se dispoña de DNI electrónico ou certificado dixital da Fábrica Nacional de Moeda e Timbre.   
* Acceso á Oficina do Provedor que dá soporte aos procesos de comunicación máis habituais entre o Servizo Galego de Saúde e os seus provedores. Permítelles realizar unha consulta ou modificación dos seus datos, e coñecer as relacións económicas.

Para realizar estas xestións  é indispensable que teña á man a tarxeta sanitaria, o DNI electrónico ou o certificado dixital da FNMT co obxecto de que cubra axeitadamente os datos necesarios. O uso indebido da tarxeta sanitaria será responsabilidade do seu titular.   Pechar

A oficina virtual do provedor constitúe un punto de encontro entre o Sergas e as empresas que lle proporcionan servizos ou produtos.
O obxectivo da oficina virtual do provedor é o de ser unha ferramenta que permita, de forma áxil, rápida e sinxela, realizalos procesos de comunicación máis habituais entre o Sergas e os seus provedores.
Entre os obxectivos desta ferramenta podemos destacalos seguintes:

• Posibilitala comunicación directa entre os provedores e o Sergas de forma en liña, adaptándose ás novas tecnoloxías.
• Permitir ao provedor realizala consulta e modificación dos seus datos identificativos.
• Permitila consulta en liña das relacións económicas entre os provedores e o Sergas.
• Unificar e simplificala consulta dos datos económicos dos provedores independentemente dos centros cos que mantén relación o provedor.
• Implementación do sistema nun entorno seguro que identifique univocamente o acceso á infomación.   Pechar

Benvido ao Servizo de Telemático de consulta de Solicitudes de Acreditación de actividades docentes de formación continuada das profesións sanitarias.
Con este servizo, a Comunidade Autónoma de Galicia ofrécelle a posibilidade de consultar o estado de tramitación das súas solicitudes presentadas na Secretaría Técnica do Sistema Acreditador para a súa tramitación.
Para pode facer uso do servicio é necesario dispoñer de alguns dos Certificados Dixitales recoñecidos na Comunidade Autónoma de Galicia:

• DNI electrónico: DNIe.
• Fábrica Nacional de Moneda y Timbre: Certificado de clase 2.

Pechar

Entorno Virtual de Ensinanza-Aprendizaxe diseñado pola Consellería de Sanidade da Xunta de Galicia mediante a adaptación da plataforma educativa de Teleformación Moodle. O obxectivo da mesma é o desenrolo de accións formativas on-line, ademáis de servir de apoio á formación presencial dentro do Plan Integrado de Formación Sanitaria.  Existen dous espazos de teleformación: Aula virtual, que é o espazo de Teleformación de la Escola Galega de Administración Sanitaria  e  o Mestre que dispón de  Cursos online da Consellería de Sanidade - Servizo Galego de Saúde    Pechar

A biblioteca dixital de Galicia pretende ofrecer, ademais da referencia bibliográfica dos impresos, a imaxe e, polo tanto, o acceso ao documento dunha importante parte do patrimonio bibliográfico galego ou de interese para Galicia. Tamén permite consultar nunha base de datos os autores galegos.   Pechar

A Xunta de Galicia, a través da Dirección Xeral de Comunicación Audiovisual e da Dirección Xeral do Patrimonio Cultural, está comprometida co mantemento e conservación dos fondos existentes nos museos, arquivos e outros centros documentais de Galicia.
A Dirección Xeral de Comunicación Audiovisual, a través do CMG, implantou nas súas instalacións a infraestrutura e os sistemas de xestión documental e arquivística necesarios para poder ofrecer solucións integrais a entidades tales como arquivos, museos, centros de documentación etc. Estas ferramentas ofrecen características de xestión administrativa, consulta e acceso aos fondos, control de transferencias e outras que facilitan as tarefas e a prestación de servizos inherentes a estes centros, apoiando a difusión e consulta da información dispoñible.
O proxecto de integración de arquivos nun sistema de xestión documental en rede xorde coa necesidade dos arquivos de dispoñer dunha ferramenta de xestión documental específica que permitirá compartir entre varios arquivos recursos, tanto de material informático como de persoal experto nestes sistemas. Outro factor que inflúe na xeración deste proxecto é o nacemento dun estándar internacional de unificación da documentación arquivística. A tendencia dos arquivos a seguir este estándar e a necesidade dunha ferramenta informática global e moderna conforman, en definitiva, dous argumentos de peso capaces de xuntar os diversos arquivos dependentes da Consellería de Cultura nun proxecto común.
O directorio de arquivos de Galicia  achega datos de interese, así como as súas webs respectivas. Inclúe, asemade, unha ampla colección de ligazóns de interese. Esta ferramenta ofrece a consulta e acceso aos fondos dos arquivos dispoñibles, apoiando a difusión e consulta da información.   Pechar

Portal de información sobre as bibliotecas do país e con multitude de recursos bibliotecarios en rede.    Pechar

Galescena, é o principal instrumento de traballo para programadores, compañías, grupos de música e outros axentes que teñan relación coas programacións da Consellería de Cultura e da AGADIC, a través dunha intraweb que facilita a xestión das nosas redes de programación, de maneira que todos os trámites de inscrición de compañías e grupos; proceso de contratación; recollida de datos de asistencia; etc, das diferentes redes xestionadas, poden facer a través desta nova ferramenta.   Pechar

A Axencia apoia a creación audiovisual en Galicia, mediante axudas económicas, asesoramento técnico e actividades de promoción e difusión. A web ofrece ferramentas para a produción e a promoción, así como dá a posibilidade de descargar obras audiovisuais galegas.

A través dunha Oficina de Produción Virtual, a Axencia ofrece asesoramento continuo aos diferentes profesionais nos proxectos que están a elaborar en todas as súas fases de realización. Este servizo inclúe titorías, formación, consultas on line, manuais, bases de datos, informes, estatísticas e documentos visuais e sonoros.

Na oficina de Promoción ofrece consultas sobre formación, investigación, festivais e mercados e cinemas dixitais.      Pechar

Neste catálogo aparecen referenciadas todas as publicacións de carácter venal editadas pola Xunta de Galicia. Tamén pode atopar relacións de todas as obras esgotadas e información puntual das últimas novidades.
A web constitúe un catálogo en liña das publicacións editadas pola Xunta de Galicia. Permite consultar a relación de obras esgotadas, así como as últimas novidades.   Pechar

Este programa presta información sobre prestacións e recursos sociais, soportes documentais, pautas e metodoloxía de traballo social, convocatorias de axudas nas diferentes áreas de actuación, solicitudes, exemplos prácticos, formación, lexislación, así como direccións de interese, enlaces coa internet, novidades etc. Ao mesmo tempo serve como instrumento de traballo social operativo e axustado á realidade unificando criterios de actuación dos/das traballadores/as sociais atendendo aos criterios da lexislación vixente.   Pechar

A aplicación informática CATIV@S para a xestión de información dos menores: permite transmitir información entre todas as entidades que interveñen con un menor e, ó mesmo tempo, serve de almacén de tódolos documentos que se van xerando. Calquera das persoas que interveñen no proceso (non só as delegacións e as dos servizos centrais) pode acceder a unha boa parte dos documentos relativos aos menores. A aplicación inclúe tamén os modelos de tódolos documentos (informes, resolucións, solicitudes,...) que mais frecuentemente se usan nestes procedementos. Este uniformización vai a facilitar tanto a redacción como a análise da documentación. As entidades que interveñen cos menores van a poder acceder a través de Internet a información. Esta entidades disporán de claves e contraseñas de acceso e a información circula encriptada.  Pechar

O Rexistro único de entidades prestadoras de servizos sociais (en adiante RUEPSS), regulado polos artigos 67 e 68 da Lei 13/2008 de 3 de decembro de Servizos Sociais de Galicia recolle a información referida a aquelas persoas físicas ou xurídicas, públicas e privadas, que desenvolven programas ou son titulares de centros de servizos sociais, nos seguintes ámbitos: maiores, discapacidade, igualdade, infancia, menores, familia, inclusión e servizos comunitarios.

O RUEPSS configúrase, para o público e os profesionais de servizos sociais, como unha ferramenta para a difusión, o coñecemento e de orientación na asignación dos recursos sociais existentes. A este efecto, permite coñecer datos sobre os servizos, as instalacións, os prezos e as prazas dispoñibles, en tempo real, de cada un dos centros e programas autorizados.

Así mesmo, a aplicación facilita que as entidades prestadoras de servizos sociais coñezan os datos que constan inscritos e lles permite a xestión en liña dos mesmos.   Pechar

O Rexistro de Empresas Acreditadas (REA) ten como obxectivo acreditar que as empresas que operan no sector da construción cumpren os requisitos de capacidade e de calidade da prevención de riscos laborais. Toda empresa que pretenda ser contratada ou subcontratar para traballos nunha obra de construción, deberá estar inscrita no Rexistro de Empresas Acreditadas dependente da autoridade laboral onde estea situado o domicilio social da empresa. O REA foi deseñado e posto en marcha conforme ao exposto no Real Decreto 1109/2007, do 24 de agosto, polo que se desenvolve a lei 32/2006, do 18 de outubro, reguladora da subcontratación no Sector da Construción. " O Rexistro de Empresas Acreditadas de Galicia só admite realizar as correspondentes inscricións por vía telemática. Esta é a páxina de entrada ao REA de Galicia e nel débense rexistrar as empresas:

• Empresas con domicilio social en Galicia.
• Empresas estranxeiras que despracen traballadores a España, por 1ª vez dende que se constitúa o REA, no marco dunha prestación de servizos transnacional (Lei 45/1999, do 29-11) e dita prestación se vaia levar a cabo nunha provincia galega.
  

   Pechar

Esta páxina web permítelles a emprendedores e demais demandantes dos servizos da rede localizar o técnico máis próximo ao seu concello a través do directorio, así como informarse sobre o funcionamento dos distintos programas das políticas activas de emprego para o fomento do autoemprego e da contratación por conta allea, xestionados pola Consellería de Traballo. A web constitúe, ademais, unha ferramenta de traballo dos técnicos de emprego para o intercambio de experiencias profesionais, proxectos, e toda a información de interese que pode resultar de utilidade no cumprimento das súas funcións.   Pechar

O Portal de emprego permitiralle a todos os usuarios do sistema demandantes de emprego, empresarios, xestores de emprego, orientadores laborais etc. o acceso ao conxunto dos servizos ofrecidos polo Servizo Público de Emprego de Galicia, coas vantaxes de accesibilidade, velocidade e  proximidade que as novas tecnoloxías ofrecen.

Todo o contido do portal soporta un contorno multilingüe e está desenvolto tanto en galego como en castelán. Ademais o portal cumpre co nivel AA das recomendacións de accesibilidade WAI do W3C.

O portal consta dunha área pública, de acceso non limitado e de varias áreas restrinxidas para demandantes, empresas e oficinas. Os accesos ás áreas restrinxidas serán posibles mediante login/password, aínda que certos servizos só serán posibles mediante o uso de firma dixital autorizada pola Xunta de Galicia.

Servizos dispoñibles:

• Para os demandantes: modificación ou impresión do seu currículo, de tal xeito que o interesado pode intervir directamente; solicitude de servizos de orientación laboral e de formación ocupacional; comprobación da dispoñibilidade e renovación da demanda de emprego; axenda persoal de citas e intercambio de mensaxes coa súa oficina.

• Para as empresas: introdución de preofertas de traballo; obtención dos currículos dos candidatos á oferta; introdución de códigos de selección de empresario; consulta e peche de ofertas.

• Para as oficinas de emprego: mecanización automática de datos; comunicación cos demandantes de emprego dun xeito individual ou masivo e xeración de eventos de interese; sistema de identificación e punto único de entrada.   Pechar

A Subdirección Xeral de Formación Ocupacional, que está encadrada dentro da Dirección Xeral de Formación e Colocación da Consellería de Traballo, xestiona desde o ano 1993 os cursos de formación profesional ocupacional (Plan FIP), que van dirixidos exclusivamente a desempregados, para lograr a súa incorporación a un posto de traballo cando carecen de formación suficiente para o acceso ao mercado laboral.
Xestiona, asimesmo, as accións formativas, dirixidas tanto a desempregados como ocupados, cofinanciadas pola Unión Europea (Fondo Social Europeo) e, desde o ano 2004, as accións de formación profesional continua, anteriormente xestionadas polo Forcem, que inclúen contratos programa e accións complementarias.
Esta é unha plataforma a través da que se está a dar cursos de formación ocupacional a distancia, segundo as bases que rixen na correspondente convocatoria anual.   Pechar

Esta sección ofrece información sobre a formación e cualificaciones xestionadas pola Consellería de Traballo.
Algúns dos servizos englobados nesta área correspóndense a información sobre a rede de Centros de formación, cursos de formación ocupacional, especialidades formativas, etc.

Existen diferentes opcións de busca de información:
Buscador de CURSOS FIP: Esta busca permítelle informarse sobre a programación de cursos de Formación e Inserción Profesional, dirixidos a desempregados inscritos no paro.
Buscador de CURSOS FSE: Dende este área pódese realiza-la busca de cursos de Formación Social Europeo para desempregados e ocupados.
Buscador de CENTROS: Dende este área pódese realiza-la busca de centros colaboradores de Formación Profesional Ocupacional. Actualmente son 880 os centros homologados en Galicia.
Buscador de ACCIÓNS COMPLEMENTARIAS: Desde este área pódese realiza-la busca de accións complementarias e de acompañamento á formación.    Pechar

Novo portal web deste departamento dependente de Vicepresidencia, no que os usuarios poderán publicar colaboracións propias, compartir receitas culinarias ou expoñer a súa obra artística na internet mediante unha galería virtual.
O novo portal non se centrará en difundir as actividades do departamento de Vicepresidencia, senón que buscará a "transversalidade" de contidos xa que aos mozos "lles preocupan os mesmos temas" que ao resto da sociedade galega.
Este sitio web conterá unha sección de emprego, así como indicacións sobre os itinerarios formativos e instrucións para elaborar unha carta de presentación ou un currículo. Tamén ofrecerá información sobre as axudas para alugar vivendas, os dereitos do arrendatario ou as residencias universitarias dependentes da Xunta.
Outras seccións difunden aspectos da saúde xuvenil, como os trastornos da alimentación, a información afectivo-sexual, as drogas ou a realización de tatuaxes e colocación de pendentes. O portal web informará os mozos sobre diversas formas de asociacionismo, xa que este constitúe un "termómetro da calidade democrática" dunha sociedade.
Xuventude.net incluirá un taboleiro de anuncios, listas de correo individualizadas e consultas en liña que serán respondidas en menos de 48 horas. Cada unha das seccións do portal incluirá unha parte dirixida especificamente a internautas que padezan algunha discapacidade.  Pechar

O proxecto NEXUS REDE vai destinado a preto de 700 cooperativas e entidades de economía social galegas, de todo tipo, que actúa en sectores económicos estratéxicos. Diríxese tamén a persoas traballadoras que precisan mellorar a súa capacidade de xerencia, e a colectivos con risco de exclusión ou discriminación no mercado laboral. Con este propósito, NEXUS REDE, propónse incorporar as Tecnoloxías da Información , como ferramientas fundamentais de traballo. Así mesmo, incorpórase o enfoque da Igualdade de Oportunidades, como método para combatir situacións de discriminación e de risco de exclusión de colectivos de traballadores en situación de desigualdade ou desventaxa no mercado laboral. As solucións deseñadas por NEXUS REDE serán de aplicación entre empresas e persoas traballadoras, do ámbito do cooperativismo e da economía social, en sectores estratéxicos da economía galega.

A actividade programada orientase según o seguinte obxectivo xeral: Mellorar e potenciar a adaptabilidade das sociedades cooperativas galegas e das persoas socias e traballadoras que as integran, ós cambios económicos estructurais.

Como obxectivos operativos están:

• Fomentar a inter-cooperación empresarial.
• Diversificar a actividade empresarial.
• Mellorar o coñecemento de recursos financieros para a economía social.
• Promover a cultura empresarial e de xestión.
• Fomentar a participación femenina en funcións xerenciais.
  

Dende esta opción poderá acceder ao servizo de teleformación cooperativa onde se pode matricular e realizar cursos por teleformación e onde se pode facer a solicitude e uso da escola cooperativa móbil en liña.   Pechar

A oficina agraria virtual é unha ventanilla de atención ao usuario en Internet. Dende este punto atoparanse servizos orientados aos cidadáns tanto para consulta de datos de caracter persoal, como para a realización de trámites administrativos. Para acceder aos servizos persoais proporcionados dende este sitio deberá posuir un usuario e contrasinal proporcionado pola Consellería, ou no seu lugar ter un certificado dixital da FNMT que o autentifique ante o sistema.

  Pechar

A aplicación informática E-melloras supón unha das principais novidades para a tramitación das solicitudes de axuda á incorporación de mozas e mozas á actividade agraria e a plans de mellora en explotacións agrarias, consistente na posibilidade de avaliar a solicitude, e mesmo enviala, a través de internet.

Trátase de satisfacer unha solicitude dos distintos axentes do sector agrario, que pedía unha ferramenta que lles permita analizar a viabilidade dos investimentos que se realicen nas explotacións agrarias e, por outra banda, é preciso facer uso das novas tecnoloxías na xestión administrativa, de xeito que os técnicos das oficinas agrarias comarcais aforren tempo na tramitación e dispoñan dese tempo para a asistencia aos usuarios dos servizos públicos.   Pechar

O control leiteiro é unha ferramenta básica do Programa de mellora gandeira de Galicia. Consiste en rexistrar, obxectiva e sistematicamente, a produción e calidade do leite das femias de raza frisona das explotacións galegas que colaboran co programa, co fin de estimar o valor xenético da poboación. Se vostede ten clave de acceso, poderá consultar os datos individuais da súa explotación.  Pechar

A través deste servizo poderase comunicar os danos producidos polos ataques do xabaríl.  Este servizo permite a notificación telemática dos danos causados polo xabaril nos cultivos amparados pola orde en cuestión. Tamén permite a consulta do estado das solicitudes presentadas en papel unha vez son recibidas e mecanizadas.     Pechar

O SITEB é unha ferramenta integradora da información do medio natural galego, ao que se accede mediante un portal web, que permite a consulta de bases de datos, documentación e información ambiental de interese, así como un potente visor cartográfico, co que analizar e valorar o territorio en conxunto, contribuíndo a unha mellor xestión e divulgación dos recursos naturais.

O Sistema de Información Territorial de Galicia pretende dotar aos propios técnicos da administración, consultores e investigadores de Galicia, dunha ferramenta para a análise, valoración, planificación e ordenación do territorio dende o punto de vista da conservación da natureza, subministrando toda a información posible acerca do estado de conservación da biodiversidade e xeodiversidade.

A información ofrécese dun xeito intelixible, dividíndoa en diferentes apartados:

- Territorio: descrición da información relacionada coa xeografía galega integrada no apartado de cartografía, incluíndo os mapas de unidades territoriais e administrativas, principais núcleos de poboación e vías, límites de espazos protexidos, modelo dixital do terreo e cartografía ambiental básica.

- Banco de Datos: trátase do núcleo do sistema, dende onde poder acceder á consulta dos elementos do medio natural galego e á descrición da información cartográfica do visor cartográfico. Os diferentes bloques nos que se divide o banco de datos do SITEB son: xeodiversidade, especies, ecosistemas e espazos.

- Cartografía: está composto polo visor cartográfico, que integra tódalas capas xeográficas do SITEB e as achega graficamente, posibilitando en todo momento a consulta dos diferentes elementos que integran as capas.

- Documentación: aglutina textos de interese en relación ao medio natural galego, incluíndo informes técnicos, diversas publicacións, textos legais e formularios.

Xunto a esta información, engádese outra de interese que permite dispoñer dos datos sobre especies do territorio galego, árbores senlleiras, especies invasoras na Rede Galega de Espazos Protexidos e, en materia de biodiversidade, os informes técnicos e estudos da Consellería de Medio Ambiente e os puntos de interese xeolóxico, xeomorfolóxico, paleoecolóxico, covas, cavidades e fervenzas de Galicia.

O Banco de Datos Ambiental completarase coa información e cartografía dos límites e unidades de xestión establecidas nos espazos protexidos de Galicia, que se vincularán cos instrumentos de ordenación e xestión existentes para os mesmos.

Os contidos desta ferramenta irán actualizándose cos traballos que se vaian elaborando en materia de biodiversidade e espacios naturais. Nesta liña, un dos obxectivos a desenvolver pola Dirección Xeral será o fomento de programas de seguimento das poboacións das especies, non só ameazadas, se non que tamén das comúns que poidan servir de indicadoras do estado de conservación dos ecosistemas.     Pechar

A través deste servizo, os pescadores con licenza en Galicia poden tramitar, por vía telemática, diferentes procedementos administrativos relacionados coa pesca fluvial. O acceso aos servizos pode ser público ou privado.
Servizos privados:
         * Solicitude para participar no sorteo de quendas para elixir coutos de pesca.

Este servizo permite a presentación telemática da solicitude de participación nos sorteos para a elección de permisos de pesca en coutos para a temporada 2009, segundo o establecido no artigo 34º do Regulamento de ordenación da pesca fluvial e dos ecosistemas acuáticos continentais (Decreto 130/1997, do 14 de maio).

         * Consulta do estado da solicitude para participar no sorteo de quendas para elixir coutos de pesca.
Este servizo permite a consulta do estado das solicitudes, tanto as telemáticas como as presentadas en papel unha vez son recibidas e mecanizadas. O sistema permite saber se a solicitude foi correctamente recibida e o seu resultado no sorteo unha vez se celebre.   
         * Xestión de reservas de permisos no sorteo e na repesca.
Este servizo permite a reserva de coutos durante o sorteo e a repesca, como unha via adicional á tradicional chamada telefónica.

         * Servizo para a venda libre de permisos de pesca. 
         * Servizo de reclamacións.
Este servizo permite facer reclamacións sobre calquera das tramitacións realizadas nesta web.
Servizos públicos:  
         * Información xeral sobre a Pesca Fluvial en Galicia.
Información sobre es períodos hábiles de pesca, as especies sobre as que se pode exercer, os métodos autorizados para a súa práctica, as limitacións que afectan a actividade piscícola, normativa, liñas de axuda e outros datos relacionados coa pesca fluvial en Galicia.
         * Listaxe de grupos de coutos dos sorteos das provincias.
         * Consulta de dispoñibilidade de coutos de pesca.
Unha vez se pon en marcha o procedemento de selección de permisos de pesca, os participantes poden consultar en tempo real a súa dispoñibilidade a través deste servizo.
         * Estado dos sorteos de quendas para elixir coutos.
Pechar

Se é vostede un propietario interesado en ofrecer parcelas ao Banco de Terras de Galicia ou ben un agricultor que quere arrendar algunha das parcelas que xa se atopan dispoñibles, comprobe como os trámites son sinxelos e rápidos. Ademais, a través do SITEGAL poderá facer parte dos mesmos cómoda e rapidamente e dende o seu ordenador. 

É vostede un propietario interesado en ceder parcelas ao banco? Vexa como.

É vostede un agricultor interesado en solicitar unha parcela ao banco? Vexa como.   Pechar

Orde do 22 de febreiro de 2010 pola que se regula a aplicación dos pagamentos directos á agricultura e á gandaría e das axudas ao desenvolvemento rural para a utilización sustentable das terras agrícolas no ano 2010.

No marco do Regulamento (CE) 73/2009, do Consello, do 19 de xaneiro de 2009, polo que se establecen disposicións comúns aplicables aos réximes de axuda directa aos/ás agricultores/as no marco da política agraria común e se instauran determinados réximes de axuda aos/ás agricultores/as e polo que se modifican os Regulamentos (CE) 1290/2005, (CE) 247/2006, (CE) 278/2007 e se derroga o Regulamento 1782/2003, que materializa as modificacións aprobadas no marco da reforma a medio prazo da política agrícola común denominada recoñecemento médico, publicouse o Real decreto 1680/2009, do 13 de novembro, sobre a aplicación do réxime de pagamento único na agricultura e a integración de determinadas axudas agrícolas nel a partir do ano 2010.

Posteriormente, o Real decreto 66/2010, do 29 de xaneiro, sobre aplicación no ano 2010 e 2011 dos pagamentos directos á agricultura e á gandaría establece disposicións comúns aplicables aos réximes de axuda directa no marco da política agrícola común (PAC) para permitir unha transición suave ás novas normas de axuda específica.

Para facilitar aos agricultores a tramitación das axudas no ano 2010, inclúense nunha soa Solicitude Unificada varias axudas directas da PAC baseadas na superficie agrícola da explotación e nos censos de gando, a indemnización compensatoria e outras axudas previstas no Contrato de Explotación Sustentable unificando tamén o período de solicitude.    Pechar

Dende esta opción poderase consultar a información relativa aos dereitos de pagamento único. Para elo deberá introducir o seu CIF/NIF/ ou NIE e a clave de acceso ou PIN que lle proporcionará o FOGGA.   Pechar

Dende esta opción poderanse facer consultas enliña sobre:
   * Establecementos de cultivos mariños e auxiliares.
   * Cuadrículas vacantes e ocupadas nos polígonos de viveiros.
   * Trámites administrativos para o outorgamento e a modificación dos títulos habilitantes necesarios para exercer a actividade.
   * Unidades da Consellería de Pesca e Asuntos Marítimos responsables da xestión dos procedementos administrativos en materia de acuicultura mariña. Pechar

Dende esta opción pode facer diversas xestións en liña relacionadas coas licenzas de pesca marítima, como, por exemplo:
Se posúe certificado dixital da FNMT.
   * Alta da licenza.
   * Renovación da licenza.
   * Consulta e duplicado da licenza.
Se non posúe certificado dixital.
   * Renovación da licenza.
   * Consulta e duplicado da licenza.
Normativa: Orde de 14 xuño pola que se regula a obtención e renovación das licenzas de pesca deportiva en superficie clase A.
Pechar

Esta web está estruturada en tres grandes bloques de información, distribuídos do seguinte xeito:
Información estatística.
   * Rexistro de buques pesqueiros da Comunidade Autónoma de Galicia.
Información comercial.
   * Cotizacións diarias dos produtos pesqueiros frescos.
   * Poxas en liña.
Ligazóns a páxinas de interese pesqueiro.
   * Consellería de Pesca e Asuntos Marítimos.
   * Libro verde da política marítima de Galicia.
   * Centro de Control do Medio Mariño.
   * Páxinas web de cada unha das lonxas galegas.
   * MeteoGalicia e Instituto Nacional de Meteoroloxía.
   * Fishbase (identificación de peixes).   Pechar

O Portal galego de formación pesqueira oriéntase ao público xeral e tamén recolle boa parte da información especializada que podiamos atopar.
O portal dispón de cursos en liña, como son técnico en pesca; transporte marítimo; plan de formación, navegación e comunicacións do buque; pesca: extracción e conservación; seguridade, supervivencia e primeiros auxilios no mar.
No centro de recursos podemos atopar dende unha sección dirixida á infancia - Pescalandia - ata unha biblioteca de obras técnicas e lexislativas.
No centro de documentación dispoñemos de  materiais de carácter divulgativo, incluídos a Guía do consumidor de peixe fresco e documentación en formato texto.

Tamén dispón de informacións sobre lonxas, mareas, estatísticas etc.  Pechar

SMIT PORTOS permítelle acceder, mediante o seu teléfono móbil, a un sistema multimedia de información sobre os portos deportivos de Galicia. Os datos básicos dos portos deportivos, tanto os relativos ás infraestruturas e instalacións, coma aqueles que se refiren aos servizos que presta o porto a embarcacións e tripulantes, e tamén os que detallan o modo de acceso, os puntos de interese turístico nas inmediacións, poderán ser consultados dende o seu teléfono móbil.

SMIT PORTOS pode ser descargado e instalado tanto dende a web de Portos de Galicia, coma dende un teléfono móbil.

Na versión en liña opera en tempo real conectando directamente o teléfono móbil a internet. Neste caso, os datos non residen na memoria do seu terminal, senón que se "baixan" de Internet ao teléfono a demanda do usuario. Isto significa que hai un tráfico de datos polo que o seu operador de telefonía lle facturará segundo o seu tipo de contrato. Esta versión en liña dispón de formatos multimedia avanzados (video, mapas dixitalizados dos portos e esquemas gráficos de modo de acceso). Pechar