Sistemas de información xeográfica da Xunta de Galicia

O Mapa é unha ferramenta interactiva que permite consultar a situación do despregue da TDT en Galicia. Podense identificar os distintos centros emisores de TDT así como a cobertura, planificación etc..     Pechar 

O Mapa é unha ferramenta interactiva que permite consultar os recursos existentes en Galicia (programas, servizos, axudas, actuacións...) para as persoas retornadas e inmigrantes dun xeito rápido e sinxelo.

- Nel figuran tanto os recursos (públicos e privados) dirixidos especificamente a persoas retornadas e inmigrantes, como aqueles abertos a todos os cidadáns pero que poden ser de especial interese para estes colectivos.

A finalidade do Mapa é facilitar o acceso ás persoas migrantes á información relativa aos recursos existentes no eido migratorio, así como a súa participación naquelas actuacións que poidan serlles de interese.

- Tamén é unha ferramenta para que os profesionais que traballan no eido migratorio teñan coñecemento de todos estes recursos e poidan coordinarse e informar mellor aos usuarios.   Pechar 

Mapa incidencias 112: Mapa de incidencias en tempo real do 112, onde se recollen as incidencias como accidentes, protección civil, incidencias por metereoloxía adversa, etc...

O 112 é un servizo público da Xunta de Galicia adscrito á Consellería de Presidencia, Administracións Públicas e Xustiza e dependente da Dirección Xeral de Protección Civil.

O número 112 atende, xestiona e coordina as chamadas de urxencia recibidas na Comunidade Autónoma de Galicia.

O 112 é:

• Número único de urxencias: urxencias e emerxencias en materia sanitaria, extinción de incendios e salvamento, seguridade cidadá e protección civil.
  Permanente: dispoñible 24 horas ao día 365 días ao ano.
  Servizo Integral: atende calquera demanda de urxencia e emerxencia e coordina as actuacións de tódolos organismos que interveñen na súa resolución.
  De Balde: sen custo ningún para o usuario.

O número 112, como número único de urxencias, foi establecido pola Decisión do Consello da Unión Europea do 29 de Xullo de 1991   e concretado pola Directiva 98/10/EC do Parlamento Europeo e do Consello de 26 de febreiro de 1998 .    Pechar 

A web de información urbanística de Galicia permite consultar e descargar o planeamento dos concellos galegos, as normas subsidiarias provinciais e a lexislación urbanística xeral e sectorial de aplicación en Galicia.

Na actualidade atópase dispoñible o contido normativo do plan urbanístico coas súas respectivas modificacións puntuais. Nos concellos que carecen de plan xeral, aparecen, por defecto, as normas subsidiarias provinciais correspondentes.

Recentemente incluíuse o contido informativo do plan xeral aprobado ao abeiro da Lei 9/2002. Asemade incorporouse a posiblidade de descargar os conxuntos de planos nun só arquivo a escala.

Creouse a nova sección histórica de plans na que se poden consultar as figuras que pasaron a ser históricas recentemente.     Pechar

 SITGA:  O Convenio SITGA é un acordo asinado entre a Consellería de Política Territorial, Obras Públicas e Transportes, e a Sociedade para o Desenvolvemento Comarcal de Galicia que xestiona o sistema de información territorial.

O Convenio SITGA ten como obxecto regular a cooperación entre os dous organismos en favor do desenvolvemento de actuacións encamiñadas a: a actualización e mellora da base cartográfica de Galicia en formato dixital, e das súas aplicacións cartográficas e fotográficas; o deseño de ferramentas ou sistemas de información territorial específicas para a ordenación territorial e urbanística; e, finalmente, a divulgación ou distribución dos produtos ou sistemas desenvolvidos.     Pechar    

O Plan de Ordenación do Litoral ten por obxecto establecer os criterios, principios e normas xerais para a ordenación urbanística da zona litoral baseada en criterios de perdurabilidade e sostibilidade, así como a normativa necesaria para garantir a conservación, protección e posta en valor das zonas costeiras.

Dende a páxina web pódense descargar e consultar todos os contidos do Plan do Litoral para que os concellos e os cidadáns teñan acceso directo a información relativa ao plan do litoral, que actualmente está en fase de audiencia por parte dos concellos e das entidades e organismos relacionados coa ordenación do territorio. Este período de audiencia é un tempo no que se busca a participación das entidades locais para que formulen as dúbidas e propostas que consideren oportunas sobre os obxectivos que plantexa o plan.

Os contidos que se poden consultar nesta páxina están relacionados coa metodoloxía empregada, a síntese territorial, a normativa do plan, pero sobre destaca toda a documentación gráfica, particularmente a cartografía territorial con todo o ámbito de xestión do plan e todas e cada unha das máis de 400 unidades de paisaxe nas que se dividiu a costa de Galicia.   Pechar

Este mapa recolle as estradas de titularidade da Comunidade Autónoma de Galicia, pintadas en diferentes cores segundo o tipo de rede á que pertencen.
Engadíronse as estradas de titularidade do Estado que aparecen en cor vermella.
Ademais do mapa de toda a comunidade autónoma, pódese ver o mapa de estradas autonómicas de cada provincia.     Pechar 

MeteoGalicia: é a unidade de observación e predicción meteorolóxica integrada no sistema de información ambiental de Galicia (SIAM) do Centro de Información e Tecnoloxía Ambiental.

Constitúe o primeiro grupo de traballo creado en Galicia para poñer á disposición da cidadanía a imformación das redes de metereoloxía e climatoloxía e realizar unha predición metereolóxica de precisión.

Pódese realizar a consulta de datos en tempo real, históricos ou de evolucións diarias e semanais (presión, temperatura, humidade relativa, velocidade e dirección do vento, pluviometría, radiación solar, etc.).

Realízase unha predicción propia e eficiente para Galicia, cun horizonte de tres días e avance para sete días. Elabórase a partir de modelos e datos da rede metereolóxica galega, e debido ás especiais condicións metereolóxias de Galicia detállase para 14 localidades. Tamén subministra información sobre as praias, o camiño de Santiago, etc.      Pechar

Os sistemas de información ambiental son aqueles recursos técnicos e humanos que permiten a captación, estruturación, acceso e difusión da información relativa ao medio. Neles utilízanse ferramentas informáticas como bases de datos, sistemas de información xeográfica (SIX) ou directorios de documentos.

A consecución do desenvolvemento sustentable esixe un fondo coñecemento e manexo da información ambiental por parte tanto dos responsables das tomas de decisións como da cidadanía en xeral. Consecuentemente, resulta fundamental dispor dun sistema de información ambiental co que acadar unha xestión eficaz en materia ambiental, que facilite a asignación óptima dos recursos, permita a difusión pública do coñecemento na materia e, mediante a súa axuda na toma de decisións, asegure un desenvolvemento duradeiro, así como o mantemento e mellora da calidade de vida, sen mingua da calidade ambiental.

O Sistema de información ambiental de Galicia (SIAM) é o instrumento creado pola Consellería de Medio Ambiente e Desenvolvemento Sostible para facilitar o acceso á información ambiental ao público en xeral, usuarios expertos/investigadores e a outras administracións.      Pechar 

Cartografía de solos: a elaboración dun mapa de solos de Galicia a escala 1:50.000 é a base fundamental para calquera estudio de prevención e establecemento do uso do solo, tendo en conta, ademais, que o solo é o principal sistema protector dos medios hídricos e bióticos fronte á contaminación, razón pola cal debe coñecerse a súa sensibilidade e resistencia fronte aos distintos axentes degradantes. Deste xeito, a Consellería de Medio Ambiente pon á disposición da cidadanía un novo elemento de información por medio do mapa do solos do SIAM.
Sucesivamente iranse incorporando os mapas de solos das diferentes zonas da xeografía galega. Polo momento, só están dispoñibles os que aparecen en activo (en formato PDF vectorial).     Pechar       

O Plan Xeral de Adecuación, Selado e Clausura dos Vertedoiros de Galicia 1999-2005, ten como principal obxectivo mellora-la situación medioambiental de Galicia e protexe-la calidade de vida da poboación. Como consecuencia do desenvolvemento do Plan de adecuación e clausura de vertedoiros, á data de hoxe pecháronse xa algúns vertedoiros de residuos sólidos urbanos, dos que se inclúen fichas cos datos máis relevantes.      Pechar

Aplicación que permite obter información sobre usos do chan en Galicia, partindo de servizos creados cos datos do proxecto Corine Land Cover (anos 1990 e 2000). As consultas pódense facer en dous ámbitos de traballo: nun municipio, ou ben navegando nun mapa interactivo ata delimitar a zona de traballo que se queira.    Pechar

Natura 2000 é a rede de espazos naturais protexidos a escala da Unión Europea creada en virtude da Directiva 92/43/CEE do Consello, de 21 de maio de 1992, relativa á conservación dos hábitats naturais e da fauna e flora silvestres (Directiva hábitats).      Pechar

A Lei 9/2001, de Conservación da Natureza define aos espazos naturais protexidos como aqueles espazos que conteñan elementos ou sistemas naturais de particular valor, interese ou singularidade, tanto debidos á acción e evolución da natureza coma derivados da actividade humana, e que fosen declarados como tales.     Pechar

      
O servidor de cartografía GIS do CESGA crea e serve mapas dinámicos en Internet. Estes mapas están xeoreferenciados e ademais de visualizalos pódese interactuar con eles con operacións como zoom, panzoom ou consultar información de base de datos asociada. O usuario pode acceder a esta información dende o seu navegador habitual, requírese Netscape ou MS Internet Explorer versión 4 ou superior.

MAPAS

Mapa físico de Galicia: Este mapa comprende a hidroloxía e o relieve galegos.

Mapa administrativo de Galicia: Mapa de Galicia que comprende provincias, comarcas, municipios, núcleos urbanos e vías de comunicación.

Mapa do Mundo: Información administrativa, cidades, lagos e ríos de todo o mundo, pódense facer búscas de países e de cidades e pódese consultar na base de datos asociada á moneda e a poboación de cada país.

Mapa do Solo Empresarial en Galicia e norte de Portugal: Ubicación e información dos polígonos industriais de Galicia e norte de Portugal. Mapa realizado para o proxecto Consolida (www.consolida.info).

Mapa de Gasolineras de Galicia: Localización das estacións de servizo de Galicia. Mapa realizado para a Consellería de Innovación e Industria (www.conselleriaciic.org).

Mapa de Apelidos en Galicia: Localización xeográfica de apelidos na comunidade galega clasificados por concello. Realizado para o Instituto da Língua Galega ILGA (www.usc.es/ilgas).

O CESGA tamén ofrece aos seus usuarios a posibilidade de desenvolver un servidor de mapas específico cos seus datos, coa finalidade de servilos en Internet ou nunha Intranet.      Pechar 

Aplicación para revisar e xeorreferenciar os centros educativos de Galicia; nela os centros situáronse a partir das d ireccións da base de datos da Consellería, rueiros e fotografía aérea realizada no ano 2003.
Dende esta aplicación poderánse localizar todos os centros educativos de Galicia sobre un mapa de Galicia interactivo. Dispón de varias ferramentas para calcular a distancia, Medir a área, consultar centros, etc...      Pechar 

Dende esta sección poderá acceder a tódala información que proporcionan as estacións meteorolóxicas distribuidas ao longo da xeografía galega con todo o detalle das súas medicións. No apartado Información Fitosanitaria, poderá atopar tódolos boletíns publicados ata o momento, así como os avisos emitidos.

Os avisos fitosanitarios, axudarannos a previr pragas e outras incidencias que poidan afectar ás explotacións agrícolas. Dispón de tódalas nosas publicacións e folletos na nosa sección Base documental.    Pechar 

Atlas comarcal: pódense atopar distintas e variadas informacións sobre as comarcas de Galicia nas que se está a desenvolver o PDC ("Plan de Desenvolvemento Comarcal"). A información está organizada por comarcas e dividida en distintas subseccións nas que se describe dunha forma detallada, aspectos relacionados coa xeografía, a historia da comarca, os seus recursos endóxenos, cartografía, etc. Do mesmo xeito, tamén se poden visualizar distintos puntos da comarca a través dunha galería fotográfica e obter información sobre como chegar a ela.     Pechar 

Mapa que mostra normas xerais ou particulares que afectan o exercicio da caza e da pesca. En canto a caza mostra terreos cinexeticamente ordeados (TECORES), terreos suxeitos a réxime cinexético común e explotacións. Mentras que no ámbito da pesca mostra coutos, tramos e réximes especiais.     Pechar

SIXPAC: é un sistema de información xeográfica, adicado ao control das axudas agrícolas da PAC (política agraria común). Esta ferramenta é de obrigada utilización na xestión das axudas comunitarias, xa que é a base identificativa de calquera tipo de axuda relacionada coa superficie. Dispón de soporte gráfico do terreo, das parcelas e recintos con usos ou aproveitamentos agrarios definidos. Sistema de información xeográfica de identificación de parcelas agrarias. Dispón de soporte gráfico do terreo, das parcelas e recintos con usos ou aproveitamentos agrarios definidos.     Pechar 

O servidor de información xeográfica recollerá a información xerada polo INTECMAR asi coma outras que se consideren de interese e permitirá a sua representación en forma de mapas. 
Este servizo permitelle coñecer a situación das zonas de produción de moluscos e outros invertebrados mariños das augas da Comunidade Autónoma de Galicia. Actualizase diariamente co fin de reflexar os cambios de situación orixinados polas análises feitas durante o día.     Pechar 

Esta ferramenta permite localizar os distintos portos marítimos galegos xestionados polo ente público de Portos de Galicia segundo un conxunto de criterios definidos, ou de xeito visual a través do mapa.     Pechar